بسمة وهبة لمنتقدي أسعار الساحل: لو أنت مش قادر تطلع الساحل متروحش هناك.. وهي مصر مفيهاش إلا الساحل الشمالي؟! في أماكن كتير وأرخص

استنكرت الإعلامية بسمة وهبة الهجوم على الساحل الشمالي، قائلة: ولو أنت مش قادر تطلع الساحل متروحش هناك، مش لازم تروح هناك، متطلعش الساحل، وهي مصر مفيهاش إلا الساحل الشمالي؟! في أماكن كتير وأرخص

وتابعت: موسم الهجوم بدأ، رغم أنها أجمل وأحلى منطقة بنحبها، وهي ملجأ للمصطافين والسياح، والهجوم الذي أقصده هو مقاطع الفيديو المتداولة على منصات التواصل الاجتماعي».

وأضافت خلال تقديم حلقة اليوم، من برنامج «90 دقيقة»، على قناة «المحور»، اليوم الإثنين: البعض يقولون مين سافر بالعربية ومين عنده إيه، ومين سهر فين، وحفل مين بكم؟ للأسف في ناس فاضيين ومحدش شايفهم وقاعدين بيتسلوا.

وأضافت: بهذه الطريقة أنتم تتسببون في أذى لهذا البلد، لأنكم بتطفشوا السياح والسياحة، وفي ناس بتقضوا عليهم من موظفين وعمال، أكل عيشهم في الـ3 شهور دول.

وأوضحت: السنة اللي فاتت قالوا الساحل الطيب والساحل الشريف، والسنة دي بيقولوا شوفوا زجاجة المياه بكام والطعمية بكام، طب ما تشتري عجينة وحمرها في البيت، كده هيبقى أرخص لك… في طرق كتير للتوفير.