أحمد بدير : الرئيس السيسي البطل اللي شال أصعب لحظات حياتنا وسط حروب وإرهاب

أشاد الفنان أحمد بدير بسيادة الرئيس عبد الفتاح السيسي، مشيرا إلي أنه بطل و حارب الإرهاب وأهل الشر، وذلك خلال مشاركته في احتفالية عيد الشرطة الـ71.

أحمد بدير يشيد بالرئيس السيسي

حيث قال الفنان طرق صبري: “مش قادر أصدق إني واقف وسط الناس اللي شالت المسئولية في كل الحكايات”.

ورد الفنان أحمد بدير علي طارق صبري قائلا: “أنت واقف وسط الناس اللى شالت المسئولية”.

وأضاف الفنان أحمد بدير في حضور الرئيس عبد الفتاح السيسي: “أنت واقف قدام البطل اللى شال أصعب مسئولية في أصعب لحظات حياتنا.. وسط حروب وأوبئة وإرهاب أهل الشر”.

وقد صرح السيد الرئيس عبدالفتاح السيسي، أن مصر قدمت أبطالا على مر التاريخ المصري، وذلك خلال احتفالية عيد الشرطة الـ71 بمجمع المؤتمرات بأكاديمية الشرطة.

هدم البلد

وتابع الرئيس السيسي خلال كلمته في احتفالية عيد الشرطة :”لكل شخصية والدراما تشتغل فيها والصورة اللى إحنا محتاجين نحافظ على حسنها هى صورة المصرى اللي بيعمل في القطاع ده لأنه مصري”.

واضاف الرئيس السيسي:” وكان فيه محاولات كبيرة اتعملت خلال السنين اللى فاتت، وكان آخرها من عشر سنين أو أكتر.. الهدم كان هدفه حاجة واحدة أن الجناح ده ميبقاش موجود علشان البلد تتاخد.. هو كده للى عاوز يعرف.. نكسر الشرطة ليه؟ علشان ناخد البلد.. نكسر الجيش ليه؟ علشان ناخد البلد أو نضيعها”.

كما وجه الرئيس عبد الفتاح السيسي بخروج مسلسل قصير مكون من 5 حلقات يقص حكايات كل بطل من أبطال الشرطة.