سيدة تحرر محضرًا ضد زيد بارك التابعة لـ نجيب ساويرس بسبب الأهمال.. وتعرض حياة بنتها للخطر

تقدمت إحدى السيدات ببلاغ رسمي ضد زيد فى منطقة الشيخ زايد ، وقالت أماني عبدالله: “روحت انا وابني وبنتي وصاحبتي وابنها zed park

وطبعا احنا عارفين ان زيد بارك مكان احنا بنروحه عشان نلاقي فيه خدمه كويسه وامن وامان لأولادنا مش مهم بكم بس المهم يبقي فيه امان

يعني حضرتك لًو عندك طفلين هتحجز 2 Tickets بس ٢٠٠ جنيه الواحده وكده بعد الخصم”.

وتابعت: “وبعد كده تدخل علي كل لعبه هيقفوا عندها ب ١٠٠ جنيه يعني حضرتك لو معاك طفلين اقل حاجه هتصرفها ٤٠٠٠ جنيه يعني كأنك في ديزني باريس كل ده مش مهم”.

سيدة تشكو من مشروع زيد بارك

وأكملت: “المهم دخلوا ولادي لعبه العربيات الكهربائية وشويه كده كل شويه نلاقي عربيه فيها مشكله يعني عربيه بطيئة عربيه مش شغاله

فجأة لقينا ماس كهربائي والعربيه اللي فيها بنتي ولعت الن-ار خرجت من تحت رجليها ومسكت في الشوز بتاعها البنت طبعا اعدت تصرخ وتدوس فرامل العربيه مش راضيه تقف و الن-ار ماسكه بالشوز بعد كده افتكرت ان فيه مفتاح بيقفل العربيه وقفت العربيه والحمدلله الشوز هو اللي اتح-رق بس “.

وتابعت: “بعدها لقينا لوحة الكهرباء بدأت تطلع شرار كل ده وولادي جوه انا قولت خلاص المكان هين-فجر بأولادي الولاد اللي هناك جابوا طفاية الحريق وطفوها بسرعة بنتي طبعا الدخان كله بتاع العربيه جه في صدرها

تخيلوا لو البنت موقفتش العربيه كان ايه اللي حصل

او لو بنتي كان لابسه حاجه مفتوحه وكنا في الصيف كانت رجليها اتح-رقت

او لو كانت سايبه شعرها كانت الن-ار مسكت فيه”.

ملاهي zed park

وأكملت أماني: “انا في رحمة كبيره من الرحمن الرحيم

ربنا حماها ورعاها حرفيا انا لو اعدت عمري كله اشكر ربنا انه نجا بنتي ومخلنيش اشوف فيها حاجه وحشه مش هيكفي

ويارب يارب يارب محدش يشوف اللي انا شوفته في اليوم ده انا كنت هفقد النطق وهما جوه من كتر الخوف والرعب”.

وأكملت: “بنتي دلوقتي حالتها النفسيه مدمره حرفيا شافت رعب وخوف

بنتي خايفه من كل الالعاب اللي في الدنيا تخيلوا مكان بالغباء والتسيب ده بدل ما يحافظ علي سلامه ولادنا ويوفر لهم الامن اداهم رعب وخوف وقلق طول عمرهم”.

وأختتمت: “طبعا انا عملت محضر في القسم واثبات حاله اتمني ان ميبقاش حد فوق القانون واتمني ان النيابةالعامةالمصرية تهتم

علشان سلامه الاطفال كلها لازم يبقي في معايير امان لكل مكان ميبقاش المكان مفتوح وبيشتغل ك Brand Name لكن مفيش رقيب عليه

طبعا انا مش هسكت لحد كده انا اللي شوفته في اليوم ده كفيل اني اعد اقاضيكوا عمري كله انا بتهمكوا بالاهمال والتسيب وعدم وضع معايير جوده وامان لسلامه الاطفال”.