سيدة تهاجم العربي جروب: “شاشات توشيبا سمارت في الضمان وفيها عيوب صناعة.. بقيت من أسوء الشركات اللي ممكن عميل يتعامل معاها”

سردت سيدة تدعي “دعاء عبد المجيد”، تجربتها الشخصية مع شركة العربي جروب Elaraby Group، وذلك عبر موقع التواصل الاجتماعي فيس بوك.

وقالت دعاء عبد المجيد: ” شركة العربي جروب Elaraby Group اللي مسميين نفسهم صناع الثقة اظاهر بعد وفاة صاحبها بقت من أردأ الشركات اللي ممكن عميل يتعامل معاها لو جهازه حصل فيه عطل أثناء الضمان والأسوأ من كدا لما يبيعلك شاشة توشيبا سمارت 75 بوصة وهي فيها عيب بوردا والجهاز يبقا عطلان ويقرفوك تلات شهور مطوحة وميسحبوش الجهاز لا لإستبدال ولا لصيانة ولا يسألوا فينا واحنا يوميًا مكالمات وخدمة العملاء قالولي أول الأمر ان الفني شخص ان البوردا فيها عطل وان تمن البوردا ٣٠٦٠ أو ٣٦٠٠ مش متذكرة الرقم.. لكن لما يتأكدوا إن الشاشة في الضمان يردوا على كلامهم، ويقولولي الشاشة بتهنج بس وييجي فني ويمشي كل اسبوع او عشر أيام مرة بلا أي أمل في حل وبعدها بطلوا أصلًا يبعتوا فنيين

لحد ما أتصلت بجهاز حماية المستهلك فيبعتولي تاني يوم وفورًا فني جديد يقولي برضو بعد شوية تهريج بالريموت أنا صلحتلك الشاشة ولما اتصلت تاني بخدمة المستهلك بعتولي من كام يوم فني يسحب أخيرًا الجهاز وبالحرف قالي الشاشات الكبيرة غالبًا بنستبدلها في الحالات اللي زي دي لأن فتح الجهاز مش بيبقا بفايدة “.

سيدة تشكو من العربي جروب:” اشتريت منهم سخان توريندو وطلع فيه عيوب.. والفني كتب في تقرير الشكوي أن السخان طبيعي”

وتابعت: “أكتشف اليوم انهم جايبين الجهاز من الصيانة وبيقولولي الجهاز اتصلح واتغيرتله بوردا سيجنال معرفش اللي هي تبقا ايه وفين ضمان البوردا واتاري ليهم مركز صيانة شاشات في نفس مدينتي ومكسلين يعبرونا طول الفترة دي تخيلوا ! ”

واضافت: “آخرة الطريقة الزبالة انهم رمولي الشاشة في الريسيبشن ومشي الفني، وقال لو عاوزين تركيب اتصلوا بالصيانة من الرقم المختصر والصيانة قالت لو عاوزين نركبها لكم تدفعوا رسوم ٣٠٠ جنيه اصلنا مش ملزمين نركبها وادوني معاد بكره .. حاجة خلتني أحلف اني لو هلاقي منتجات الشركة دي بتتباع ببلاش استحالة ألغي عقلي تاني واشتري من عندهم “.

عميل عن شركة العربي جروب: “اشتريت منهم بوتاجاز تورنيدو ومكملش أسبوع وفرقع.. واسوء خدمة عملاء اتعاملت معاها”