ياسمين عز : مفيش حاجة اسمها بنت عانس هذا الوصف سوء أدب مع الله

وجهت الإعلامية ياسمين عز نصيحة للفتيات التي يطلق عليها المجتمع وصف عانس لتأخيرهن في الزواج، مشيرة

إلى أن هذا الوصف سوء أدب مع الله.

قالت الإعلامية ياسمين عز خلال برنامجها “كلام الناس” الذي يذاع عبر قناة MBC مصر :إن وصف عانس الذي يطلقه البعض على الفتيات اللاتي يتأخرن في الزواج سوء أدب مع الله.

وتابعت ياسمين عز خلال برنامجها “كلام الناس” الذي يذاع عبر قناة MBC مصر: “هتتجوزي زواج خاطئ عشان ميتقالش (عانس)، وبعدها هتصبري على الجواز ده عشان ميقولوش فلانة انفصلت بمفاهيم مجتمعنا”.

وواصلت ياسمين عز: “مفيش حاجة اسمها عانس، وانما انتظار لـ(سيد الرجالة)، اسمها مطولة بالها عشان تاخد سيد الرجالة، مفيش حاجة اسمها هنفرح بيكي إمتى، اسمها افرحوا بنفسكم وأنا أفرح بنفسي لما ربنا يريد، الزواج كالأرزاق مقسمة”.

وأكملت الإعلامية ياسمين عز: “أول ما تقولك انتي عانس اعرفي ان ده دليل انها فاشلة في حياتها، لأن مستحيل اللي ناجح في زيجته يتفوه بكلمة تجرح غيره اللي لسه ماتجوزش”.

وواصلت الإعلامية ياسمين عز: “لما تيجي طنط تقولك ماتجوزتيش ليه؟ قوليلها معلش خايفة أطل أغطي على الكل! والست اللي قاصدة تأذيكي عامليها معاملة القنفذ”.

وأوضحت: “القنفذ لا يتحضن، لا تسلمي عليها ولا تحضنيها ولا تتعاملي معاها ولا تيجي جنبها، تجاهليها”.

وأضافت الإعلامية ياسمين عز: “أدعو أن يرسل الله إليك شخصية تتمسك بك كما تمسكت شيرين بحسام حبيب. معنا الأموال ونأكل أحسن المأكولات ونرتدي أفضل الملابس ونقود أفخم السيارات، لكن هذا لا يسد وجود الرجل، فالرجل يعني الحياة والبقية مجرد مكملات”.