نجيب ساويرس: مش بصرف كتير ولو خرجت في العشا بدفع 3000 أو 4000 جنيه

كشف المهندس نجيب ساويرس، رجل الأعمال، أنه لا ينفق كثيرا خلال يومه، ولا ينفق كثيرا في الخروجات.

وفي هذا الصدد قال ساويرس في برنامج “صباحك مصري” المذاع عبر فضائية “mbc مصر
2”: “مش بصرف كتير في اليوم، لأني بتغدى عند والدتي وبفطر عند والدتي، ولو خرجت في العشا بدفع 3000 أو 4000 جنيه، دلوقتي الأرقام ضربت خالص، كنا زمان بنخرج في الخروجة بـ100 جنيه و50 جنيه و30 جنيه، دلوقتي الأصفار كترت”.

نجيب ساويرس ردا على وزير التموين: التسعيرة الجبرية تشجع علي إخفاء السلع و زيادة التهريب و السوق السوداء

كما قال ساويرس عن أول مصروف حصل عليه في حياته كان في المدرسة، قائلا:” أبويا كان بيديني 2 جنيه في الشهر، وكل اللي معايا في الفصل كانوا بياخدوا 10 جنيه، بس هو كان بيدينا 2 جنيه عشان يعلمنا نبقى ناشفين، وطلع صح، لكن أولادي مش فاكر الحقيقة ومراتي هي اللي كانت بتديهم المصروف، وكانت إيديها أنشف مني لأني كنت هبوظهم الصراحة”.

وأكد ساويرس، أنه فيما يتعلق بأكثر الطلبات التي يطلبها منه الناس قائلا: “أكتر الطلبات توظيف، وفيه ناس بتبقى عيانة مش قادرة تدفع مصاريف المرض
بتاعها، الحكاية دي كتيرة مؤخرا تحديدا مرض السرطان، وطلبات التشغيل والمرض والسفر، وفيه ناس عندها مشاكل بتستعين بيا عشان أصلح الحال”.