غادة إبراهيم: بصلي في اللوكيشن من ورا الناس عشان اتهموا فنانة كبيرة بالاستعراض

كشفت الفنانة غادة إبراهيم عن انتظامها في الصلاة ،مؤكدة أنها لا تفوت فرضا حتى أثناء الانشغال في التصوير، وذلك خلال استضافتها في برنامج “قعدة ستات” الذي تقديمه مروة صبري عبر قناة “القاهرة اليوم”.

وقالت غادة إبراهيم:” بصلي في اللوكيشن بس مش قدام الناس، بخلي المساعدة تقفل عليا الباب وأقولها متقوليش أني بصلي قولي أني مريحة”.

واضافت الفنانة غادة إبراهيم:” أنا سمعت بوداني كانت فنانة كبيرة محترمة بتصلي وسمعت ناس معدية بتقول “عاملة أنها بتصلي” وأنا مش حابه أن الناس تقول بصلي عشان بستعرض، دي علاقة بيني وبين ربنا”.

وقد حلت الفنانة غادة إبراهيم، ضيفة في برنامج “قعدة ستات” الذي تقدمه الإعلامية مروة صبري على شاشة قناة القاهرة اليوم، وكشفت تفاصيل معاناتها بعد وفاة والدي، مشيرا إلى أنها حاولت إنهاء حياتها.

وقالت الفنانة غادة إبراهيم: “مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3”.

وتابعت غادة إبراهيم : “حاولت إنهاء حياتي بعد وفاة والدي ومقدرتش، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليّا نفسي”.

وواصلت غادة إبراهيم: “ماما كانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي”.

واضافت غادة إبراهيم: “أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش بعد وفاته وكنت عايزة أهرب”.