«بيخرب بيوت والرجالة بتخاف منه».. ياسمين عز تحذر السيدات من أن تسأل أزواجهن هذا السؤال

وجهت الإعلامية ياسمين عز، نصائحا للسيدات بتجنب سؤال الزوج عن الوزن، قائلة: “الرجالة بتخاف من السؤال ده”.

وقالت ياسمين عز، خلال برنامجها “كلام الناس“، المذاع على قناة إم بي سي مصر: “متقوليش لجوزك هو أنا تخنت ولا لاء، السؤال ده ممكن يخرب بيوت والرجالة بتخاف منه”.

وأضافت: “حرام عليكي هتموتي الراجل بسكتة قلبية، عاوزه يعمل إيه؟ لو رد قالك أه تخنتي هتنتهزي الفرصة وتنكدي عليه وتعايريه السنين اللي قدام”.

اقرأ أيضا: ياسمين عز للمتزوجات: «راجلك لما يشيل قارورة المياه يركبها حسسيه أنه شاروخان»

وتابعت: “التخن عز يا مدام تبقي بطة ووشك منور زي الطبق المدور، متنكديش على جوزك ولا تقرري تعملي كل أنواع الدايت، وتكهربي التلاجة”.

ياسمين عز: إيه الماتشا اللي دخلت حياتنا فجأة دي

وأكملت: “وإيه الماتشا دي اللي بتجيبيها وتشربيها لجوزك، ليه فجأة دخلت حياتنا؟ إيه هي الماتشا دي طعمها شبه طعم الحنة، وليه الراجل يدفع فلوس ويجيب ماتشا؟”.

اقرأ أيضا: ياسمين عز للستات: «الحقي اتهني بجوزك قبل ما يجيله جدري القرود»

وواصلت: “شكلك إيه قدام حماتك لما تعملي كدا في جوزك يا مدام، وتاخدي منه فلوس كتير عشان تروحي للجيم لحد ما يبقى جيبه على الأبيض، ماله التخن عز وجاه وبركة، إيه المشكلة لما تزيدي، أنتي جميلة كما أنتي”.