وجهت الإعلامية سارة نخلة، حديث ناري إلى الفنان محمد رمضان على خلفية إعلانه عن حفل مشترك مع المغني العالمي ترافيس سكوت.

سارة نخلة توبخ محمد رمضان

“محمد رمضان اسم كبير وموهوب”.. تستكمل “سارة” حديثها وقالت: “لما يكون فنان بحجم رمضان، عليه مسؤولية مش بس تجاه نفسه، لكن تجاه جمهوره وبلده اللي بيمثلها. وترافيس سكوت، رغم شهرته، اسمه ارتبط بأزمات وشغب، وسبق وكان ممنوع من إقامة حفلة في مصر بسبب اعتراضات كبيرة.”

وأضافت: “مش معقول ننسى كل اللي حصل الصيف اللي فات لما حفلة سكوت قدام الأهرامات اتلغت، وده بسبب مشاكله المعروفة وتصريحاته اللي حملت إهانة واضحة للأهرامات. فإزاي بعد كل ده، ييجي رمضان ويقرر التعاون معاه؟”

سارة أكدت أن الجمهور أصبح أكثر وعيًا وأن العالمية لا تُبنى بالمشاركة مع أي نجم عالمي، بل بالاختيارات الذكية والقرارات التي تحترم الجمهور والبلد.

واختتمت: “يا رمضان، الجمهور اللي رفعك قادر ينزلك. العالمية مش مجرد ضجة أو تعاون مع نجوم أمريكا. العالمية فن راقي وقرارات مدروسة. أنت عندك فرصة تكون واجهة مشرفة للفن المصري، لكن محتاج تحسب كل خطوة قبل ما تاخدها.”