ضاضا ابن موت.. إسماعيل الليثي يكشف كواليس جديدة عن رحيل نجله

كشف المطرب إسماعيل الليثي، عن نجله الراحل رضا الذي توفي بعدما سقط من الطابق العاشر.

وقال “الليثي”، في لقائة مع الإعلامي عمرو الليثي، في برنامج “واحد من الناس” المذاع عبر قناة الحياة: “كان نفسي من وانا صغير أتجوز وأخلف ابن واسميه رضا، ورضا مكنش ابني وبس ده كان ابن عمري، كان شقي وبيلعب كتير وكان ابن موت الله يرحمه”.

وتابع الليثي، “رضا كان صاحبي وأخويا وابني وأحلى حاجة في حياتي، بيني وبين نفسي بقول الحمد لله، يمكن لو عاش كان حصلت له حاجة أو عربية خبطته أو كان عاش معوق، وناس كتير قالت لي إحنا حلمنا برضا، وهو بيقوللك متعيطش وهو مستنيك”.

واختتم الليثي، “رضا كان وشه حلو عليا، ويوم ما يقوللي ربنا يكرمك ربنا يكرمني بجد، عايز أمشي في الشوارع كلها ارسم صورته”.

يذكر أن رضا الليثي رحل عن عالمنا في حادث سقوط من الدور العاشر، وكانت شهرته ضاضا الليثي، وكان رضا من مشاهير التيك توك.