شريف مدكور: لما جوزك ينتقد شكلك الرد الأمثل تقوليله روح بص لنفسك في المراية

حرص الإعلامي شريف مدكور على توجيه نصيحة إلى السيدات المتزوجات في حالة انتقاد الأزواج لشكلهم و تعرضهن للتنمر.

وقال شريف مدكور خلال برنامج 4 شارع شريف: لما جوزك يقولك جسمك عامل كده ليه وشكلك بقى عامل كده ليه.. الرد الأمثل عليه قولي له روح بص لنفسك في المرايا وشوف والدتك وأختك شكلهم عامل إيه؟

وكشف شريف مدكور عن أحد المواقف التي تعرض فيها للتنمر بسبب إطلالته في مهرجان العلمين، قائلا: «أنا قريب كنت لابس جاكت مشغول بحاجات معينة لكن في ناس انتقدتي وقالت إيه القرف ده.. لكني قعدت أتفرج على نفسي وقلت حلو أوي وعاجبني الجاكت، وفيه جزء مني واللي يقول يقول.. اللي عاجبه أهلا وسهلا اللي مش عاجبه يبص الناحية التانية».

واضاف شريف مدكور: أنا مبسوط إني منفرد بحاجات محدش يعرف يعملها، والمجتمع شايف إني مختلف وده مديني ثقة بالنفس.