بعد تورطه في أزمة أحمد رفعت.. مصادر لـ عين مصر: النائب أحمد دياب يغادر خارج البلاد

كشفت مصادر مقربة من النائب أحمد دياب، رئيس رابطة الأندية المصرية، لـ عين مصر عن مغادرته خارج البلاد، موضحاً أنه لم يحدد موعد عودته إلى مصر مرة أخرى.

وكان قد علق أحمد دياب رئيس رابطة الأندية، على الهجوم الذي تعرض له بشأن تسببه في وفاه أحمد رفعت لاعب مودرن سبورت.

وقال أحمد دياب عبر مداخلة هاتفية في برنامج الكرة مع فايق مع الإعلامي إبراهيم فايق : إحنا أخدنا إجراءات من الوزارة لسفر اللاعب لليبيريا وقرار للسفر إلي الإمارات، ودي الجهة اللي بيطلع منها اي قرار لسفر أي لاعب.

وتابع: “قلت لأحمد مش هقولك تركب الطيارة إلا لما القرار يطلع ويبقي في إيدي وبالتالي لما تم منحه قرار وزاري بأحقية السفر للإمارات للعب لنادي الوحدة قلت له سافر”.

وواصل: “بعد القرار الوزاري والتعامل في الموقف القانوني الخاص بأحمد دي مش بتاعت النادي خالصإحنا خرجناه قانوني أي حاجة حصلت بعد كدا مش بتاعت النادي”.

وأكمل: “الرابطة لم تتجاهل موقف أحمد، إحنا عملنا مذكرة بكل القرارات الوزارية دي وقدمناها للجهة اللي كانت تابعة للحكاية وذهبت لجهاز الرياضة لتسوية وضع أحمد رغم إن أنا كنت تركت النادي من الأساس”.

واضاف: “القرار الوزاري دا تصريح سفر.. خطوات وإلزامي لخروج أي لاعب خارج مصر كدا النادي عمل اللي عليه .. أي حاجة تانية خارجة عن النادي”.