قراءة فنيه لمباره العوده فى نهائي افريقيا

علاء مقلد

كابتن ايمن خليفه.. الأهلي يجب عليه افتتاح المباراة بالضغط العالي والضغط على قلبي دفاع الترجي  وبناء اللعب على أطراف الملعب من ناحية بيرسي تاو و رضا سليم أو الشحات، بالإضافة للتسديد من خارج المنطقة عن طريق إمام عاشور وأي لاعب بجانبه .
فى المباره الأولى كولر جر البرتغالي المدير الفني للترجي لمعركة في وسط الملعب وخسره الضغط الهجومي
-كولر بدأ بـ 4-3-3  شوبير حارس ، عبد المنعم وربيعة قلبين دفاع ، هاني ظهير أيمن ومعلول ظهير أيسر، أكرم وإمام ومروان وسط الملعب ، تاو جناح يمين والشحات جناح يسار، وسام مهاجم.
-الأهلي كان ممكن يبقى شكله أحلى ويهاجم ويضغط بس ده كان ممكن يبقى على حساب الدفاع والنظام الدفاعي وفتح الخطوط

إمام لعب تحت وسام  في مركز صانع اللعب أو المهاجم الوهمي، أكرم ومروان متفرغين للدفاع.
الأهلي بدأ الشوط الثاني بشكل أفضل وراح على جول الترجي اكتر من مرة.
نزول قفشة بدلا من إمام عاشور ، ورضا سليم بدلا من بيريسي تاو، الطريقة استمرت كما هي، إمام كان بيلعب تحت وسام كأنه صانع لعب، ورضا لعب جناح
-الأهلي كان ممكن يخطف هدف في أخر ربع ساعة وأدائه تحسن كثيرا، خصوصا مع تراجع المستوى البدني للترجي.
النتيجة جيدة جدا، لكنها خادعة جدا ولازم نتعامل مع مباراة العودة بأهمية تفوق أهمية مباراة الذهاب
لو عاوز تقفلها ورا ، و تلعب ع المرتدة و الطولية اللي توصل امام و وسام للجون ع طول يبقي لازم كولر يعتمد ع منعم و متولي جنب بعض ، هتضمن صلابة و قوة دفاعية و الخروج بالكرة بي اسهل و اسرع طريقة
الترجى في الحالة الدفاعية بيقفوا بشكل ضيق وبيضمو فى العمق وبيسيبو الاطراف  ودا بالفعل اللي حصل وعشان كدا معظم الهجمات كانت من الأطراف
عشان كدا انت محتاج اتنين لاعيبة يكونو ماسكين الخط وفاتحين الملعب
تانى مره بنقول هاني وتاو هي اسوأ ثنائية حاليا و المؤكد انه هيبدا بيهم
الطرف اليمين محتاج كريم فؤاد مع تاو أو هاني مع رضا سليم
الناحيه الشمال الاحتمال الأكبر هتبقى دفاعيه بس احتماليه مشاركه كوكا وارده جدا ومش هيبقى مطلوب منه غير الدفاع او يخرج بالكورة من الضغط  ويسيب مسؤولية الهجوم للشحات وأمام عاشور مع اهميه التحلي بالصبر وعدم الاستعجال.