هلا السعيد تتعرض للتحرش من سائق أوبر: خلع الحزام وقالي معلش عندي السكر

أعلنت الفنانة هلا السعيد، عن تعرضها للتحرش من أحد سائقي شركة أوبر، وذلك خلال مقطع فيديو عبر صفحتها الرسمية بموقع التواصل الاجتماعي إنستجرام.

وقالت هلا السعيد، خلال الفيديو : أنا واقفة على محور الضبعة، سواق أوبر فجأة وقف وفجأة قالي العربية سخنت ببص ورا لقيته فك حزام البنطلون وقالي متخافيش أصل عندي السكر ولازم أدخل الحمام، نزلت وسيبت حاجتي في العربية، ووقفت في الشارع وبعت لايف لوكيشن لصحابي، الحمد لله إني قريبة من البيت وإننا في النهار.

واضافت هلا السعيد : الحمد لله عدت على خير.. أنا قلت بعد اللي حصل بقي في بوليسي جديدة، وفيه تسجيل في العربية، بس واضح أن مفيش فايدة في أوبر الشركة نفسها لازم يتحاسبوا.