حمو بيكا: عصام صاصا مش مجرم وعمره فى حياته ما كان شخص مؤذي

حرص مؤدي المهرجانات حمو بيكا على دعم المطرب الشعبي عصام صاصا، في أزمته الأخيرة بعد إتهامه بدهس شاب والتسبب في وفاته أعلى الدائري.

وقال حمو بيكا عبر صفحته الرسمية بموقع التواصل الاجتماعي فيس بوك: عصام صاصا عمره في حياته ماكان موذي أو شخص مش كويس وأنا مش بكتب الكلام ده عشان اظيط في الظيطه ومش محتاج اظيط أنا كحمو بيكا أنا أعرف الراجل ده من سنين السنين كمان .

وتابع حمو بيكا: خبط واحد بعربيته قضاء و قدر ياريت بقي الناس بتاعت التيك توك والصحفيين والناس اللي هي بتظيط دي متركبش المركب بالشقلوب و تفضل تقول كلام محصلش الراجل ده دلوقتي في محنه وفي اكتر مش شخص بيطلعوا يعملوا فيديوهات ملهاش أي تلاتين لازمه ملكمش الحق أنكم تتكلموا وملكمش الحق أنكم تطلعوا تجيبوا سيرتو باي حاجه أنا شايف كميه فيديو ع التيك توك بجد حاجه تقرف حاجه تدل ع أن أحنا شخصيات معندهاش مبداء و شخصيات مقرفه أي كان جريده أي أو الصحفيين اللي بيمشوا بالتليفونات في أي حته دول أنتم ملكمش الحق أنكم تتكلموا في أي حاجه اصلا و مين أداكم الحق للكلام ده بس بجد انتو أبشع مما تتصورو .

واضاف حمو بيكا: الراجل مات و ده نصيبو الله يرحمو و يرحم جميع امواتنا لكن المزيدات ملهاش لازمه صدقوني و القانون والدوله هما الوحدين اللي ليهم الحق في الكلمه أو في أي حاجه تخص الموضوع ياريت بقي نهدا ونبطل هري و نهدا كل شويه جريده تطلعلنا واحده مبتعرفش تتكلم تفضل تهري في الموضوع .. ربنا يرحم اللي مات برحمتو .. وربنا يرجعلنا عصام صاصا بالسلامة.. وعصام صاصا مش مجرم.