طريقتك فى الكلام عني مضايقانى ومجريتش ورا التريند.. ميار الببلاوي ترد على تصريحات بسمة وهبة

ردت الفنانة المعتزلة ميار الببلاوي على تصريحات الإعلامية بسمة وهبة، وذلك عبر صفحتها الرسمية بموقع التواصل الاجتماعي فيس بوك.

وقالت ميار الببلاوي: رغم تحفظى على الجزء الأول واستخدام نفس الأسلوب اللى كان مزعلنى ومخلينى فاقده تركيزى فى الرد فى الحلقه إلا انى هرد على الجزئيه بتاعت البوليكه، أنا بعد الحلقه مفتحتش بقى ولا اهتميت إيه الى عمل تريند ولا لا أنا مكنتش مبسوطه بالحلقه عموما لكن كنت مبسوطه بأنى هكون معاكى لأن اشهد الله أنى بحبك جدا فى الله لموقف عملتيه معايا فى بدايتنا الإعلامية وسابلك معزه فى قلبى لأنى مبنساش المعروف عموما”.

وتابعت: طريقتك فى الكلام عنى مضايقانى أنا فعلا متكلمتش رغم المصايب اللى حصلتلى بعد الحلقه لأنى قلت شويه والموضوع هيموت يعنى مجريتش ورا ترند ولا فضحت نفسى ولا كذبت زى محضرتك تفضلتى لكن بمجرد ما الشيخ اتكلم أيوه مكنش ينفع اسكت ولازم ادافع عن نفسى واى حد كان بيقولى بسمة السبب بقولهم أنا وحت بارادتى وأنا اللي جاوبت على الاسئلة بس هى مكنتش بتدينى فرصه للتوضيح وفعلا كنت مضايقه من الطريقه جدا ودا افقدنى تركيزى تماما وبالنسبه للمونتاج قلت إن فى حاجات كتير اتمنتجت ودا حضرتك اقريتيه لكن مقلتش انك ركبتى صوت وكده بسمة.

واضافت: شكرا لنصيحتك لابنى وشكرا على دفاعك عنى بس رجاء اتكلمى عنى بطريقه غير كده لأنك عارفه انى مستاهلش أى اهانه ولا تجاوز أسأل الله العظيم رب العرش الكريم أن يغفرلنا اجمعين وبرضه أحبك فى الله.