ليلى زاهر عن هشام جمال: مش ببقى مطمنة ولا مرتاحة وهو مش موجود لأنه مصدر أمان فى حياتي

كشفت الفنانة ليلى زاهر ابنه الفنان أحمد زاهر، عن أسباب انجذابها وحبها لخطيبها المنتج هشام جمال، مؤكدة أنه يمثل لها مصدر الأمان.

وقالت ليلى زاهر خلال برنامج صاحبة السعادة،الذي تقدمه الفنانة والإعلامية إسعاد يونس على قناة dmc.: “أنا شفت اهتمامه، لما لقيته سايب كل حاجة وقال لي هعملك الأغنية، وكان مهتم يطلعني بأحسن صورة، ولما بدأ الموضوع يكون واضح وإنه مركز معايا أوي وواخد باله مني، وكل اللي عمله لفت نظري وده حرك عندي حاجات، ومن ضمن الحاجات اللي شدتني لهشام إني أنا دايما بكون مطمنة وهو موجود، زي ما والدي مصدر الأمان بالنسبة لي”.

وتابعت ليلى أحمد زاهر: “محستش بربع مشكلة وهو حل كل حاجة، ولولاه ولولا بابا الكليب ده مكانش اتعمل، وهشام عمل كل حاجة واتشقلب علشان الكليب يطلع تحفة، فأكيد ده لفت نظري وحرك عندي حاجة”.

واضافت ليلى زاهر : “أنا أهم حاجة عندي أكون مطمنة وأعيش حياة بسيطة وهادية، وبابا بالنسبالي هو مصدر الأمان في حياتي، وفجأة لقيت هشام بقى مصدر أمان، ولو الشخص ده مش موجود ببقى مش مرتاحة ولا مطمنة”.