شيماء سيف: مرة مسكت بلوزة فى محل ملابس ولقيت البنت اللي في المحل خدتها مني.. وقالتلي لا أنتي لو جربتيها هتتقطع

سردت الفنانة شيماء سيف  أحد المواقف التي تعرضت فيها للتنمر بسبب وزنها الزائد، وذلك خلال برنامج “ عندي سؤال ” المذاع عبر قناة المشهد.

وقالت شيماء سيف : “أكثر موقف ضايقني كنت في محل ملابس، ومسكت بلوزة ولقيت البنت اللي في المحل خدتها مني وقالتلي لا أنتي لو جربتيها هتتقطع، بعدها بطلت أشتري هدوم من برا، وفضلت فترة طويلة افصل هدومي لنفسي”.

وتابعت شيماء سيف :” أحسن حاجة عملوها أهلي أن عمرهم ما علقوا على وزني وشكلي، ده اللي خلاني أتربى أنا وحاسة أنه عادي، بس لما طلعت من دايرة عيلتي عرفت بقى التريقة والتعليقات الوحشة”.

واضافت: أنا شايفة نفسي حلوة حلاوة ودي كارثة، دي نعمة آه بس بيني وبين نفسي، لكن الناس بيقولوا لي هو أنتِ مش فارق معاكي؟ وآه والله ما فارق معايا وشايفة نفسي ليدي جدا.