الرئيس السيسي: لا يمكن نقفل معبر رفح أمام عبور المساعدات لغزة لأني هروح من ربنا فين؟

علق الرئيس عبد الفتاح السيسي، رئيس الجمهورية، على التصريحات الاستفزازية من الجانب الإسرائيلي بشأن أن مصر تعوق دخول المساعدات الإنسانية إلى قطاع غزة.

وجاء ذلك خلال كلمته فى احتفالية وزارة الداخلية بالذكرى الـ72 لعيد الشرطة، بمقر أكاديمية الشرطة بالقاهرة الجديدة.

وقال الرئيس السيسي: ” معبر رفح مفتوح على مدار 24 ساعة في 7 أيام في 30 يوم.. بقول الكلام ده.. اتقال كلام كتير علي أن مصر هي السبب، هقول كلمة صعبة، أنا هروح من ربنا فين؟ّ!، ولو أنا السبب فى منع دخول لقمة عيش لغزة.. اروح من ربنا فين؟!. الإجراءات اللى بتم من الجانب الأخر علشان نقدر ندخل الحاجة هى السبب.. وده شكل من أشكال الضغط اللى بيمارسه الجانب الإسرائيلى على القطاع”.

وتابع الرئيس السيسي: “لا يمكن نقفل معبر رفح أمام عبور المساعدات لغزة، ولازم تكونوا متأكدين من كده.. ومش لازم يطلع بيان هيئة الاستعلامات ولا الخارجية والداخلية ولا المخابرات العامة، احنا مش بنعمل كده”.

واضاف الرئيس السيسي: ” كل حاجة تهون.. المهم سلامة مصر.. وعاوز أقولكم كل اللى مر وبنعاني منه بفضل الله وهو يسمع ويرى هينتهي إن شاء الله.. كل سنة وانتم طيبين.. يا رب احفظ بلدنا واحميها واكفيها من فضلك شكرا جزيلا والسلام عليكم ورحمة الله”.