منى الشاذلي: كان نفسي أكون دكتورة أو مدرسة.. لكن من وأنا صغيرة بمارس دور المذيعة في المدرسة والجامعة

حلت الإعلامية منى الشاذلي، ضيفة فى برنامج ABtalks، الذي يقدمه الإعلامي أنس بوخش، وتحدثت عن أسرار فى حياتها الشخصية والمهنية.

وقالت منى الشاذلي: “كان نفسي أكون دكتورة أو مدرسة وأخدم الناس، لكن من وأنا صغيرة بمارس دور المذيعة في المدرسة والجامعة، ولما دخلت الجامعة الأمريكية لقيت الإعلام هو الأقرب ليا”.

وتابعت منى الشاذلي: “قررت أدخل إعلام علشان أشتغل في شركة مالتي ناشيونال، لكن صاحبتي شجعتني أتدرب وقالت لي أنتي مذيعة، ومقتنعتش وقتها بالفكرة، لكن روحت للتدريب ومن أول مرة جاوبت على كل أسئلة المدرب وقال لي أنتي هتكوني معانا مذيعة، ورفضت وقتها لكنه أصر على رأيه”.

كما تحدثت ىعم قصة تعارفها بزوجها، قائلة:” لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة”.