غادة عبد الرازق: عقلية الراجل المصري صعب تتقبل الشخصية القوية زيي.. وشيلت فكرة الجواز من دماغي

حلت الفنانة غادة عبد الرازق ضيفة فى برنامج “كتاب الشهرة”، الذي يقدمه الإعلامي علي ياسين والمذاع عبر قناة الجديد.

وقالت غادة عبد الرازق: عقلية الراجل المصري صعب تتقبل الشخصية القوية زيي، الراجل مبيحبش الست تبقى أقوى أو أنجح منه، واللي قابلته في حياتي العاطفية الراجل اللي بيدوس على كرامة المرأة لأني ناجحة، والأمان في أقرب الناس ليا مش في شريك الحياة، وشيلت فكرة الجواز من دماغي.

كما تحدثت غادة عبدالرازق عن فكرة اعتزال الفن، قائلة : «أنا ملتزمة دينيا، وأعلنت كتير أنني هعتزل، وتراجعت تاني، وعشان كده مش هعلن اعتزالي الفن تاني، حتى لو اخدت القرار».

وتابعت غادة عبد الرازق: «سأترك قرار اعتزالي يأتي بطريقة ربانية مش بقرار مني، أنا عايزة ربنا يقولي أنتي دلوقتي كفاية لحد كده الحمدلله».

واضافت غادة عبد الرازق: «لا علاقة للدين باعتزالي الأمر كله رباني وهو قضاء وقدر، وربنا كاتب لي هبطل تمثيل إمتى، فهو قرار من الله ليس من غادة عبدالرازق، أنا ملتزمة دينيا الحمدلله».