رضوى الشربيني: فيه راجل دخل قالي هو ليه السرطان مبيجلكيش انتي واللي زيك أو انتي واشكالك تموتي

تحدثت الإعلامية رضوى الشربيني، عن تلقيها رسالة من أحد المتابعين لها، مشيرة إلى أنه تمني لها الموت، وذلك خلال تصريحاتها ببرنامج ET بالعربي.

وقالت رضوى الشربيني: “فيه راجل دخل قالي ليه السرطان مبيجلكيش أنتي واللي زيك، أو أنتي وأشكالك تموتي، بس أنا رديت عليه، ولكن حاجة غريبة جدًا أن حد يتمنالي الموت حتى لو بيكرهني”.

ويذكر أن كانت قد أوضحت الإعلامية رضوى الشربيني، الأسباب الحقيقية لطلاق المطرب أحمد سعد وزوجته علياء بسيوني، وذلك خلال تقديم برنامجها” هي وبس” المذاع عبر قناةCBC.

وقالت رضوى الشربيني في: خبر حزين بالنسبة لي كرضوى الإنسانة، وهو خبر وقصة تناولتها جميع وسائل التواصل وهو طلاق أحمد سعد وعلياء.. وعلياء صاحبتي من 7 سنين وأحمد علاقتي به جيدة جدًا، وكنت شاهد عيان على الزواج، وأحمد وعلياء عرفوا بعض من 4 سنين اتخطبوا سنة وشوية واطلقوا من خمس أيام ومش هعرف أحكي كل التفاصيل على الأقل دلوقتي.

وتابعت رضوى الشربيني: عاصرت مع أحمد وعلياء مشاكل كتير وهي كانت بتاخد رأيي كصديقة وكنت بنصحها وأقول لها إديه فرصة تانية وكنت ساعات بكلمه، والحقيقة مكنتش ناوية أتكلم عن الموضوع وكل الناس اتكلمت وناس كتير اتكلمت وقالت وش السعد وإنه اتغير بسببها ووسائل التواصل الاجتماعي بيتكلموا طول الوقت، ولكن اللي خلاني أتكلم التعليق على كلام علياء والناس اللي بتقول عيب وميصحش كان جوزك وأبو بناتك عيب.

وأكملت رضوى الشربيني: علياء بتقول مش لطيف اللي أنا عملته ولكن أنا عملت كده من حتة أم محروقة على بنتها وكنت متخيلة لما ينزل من السعودية هيعدي على بنته اللي عملت حادثة مع أمي وإحنا في السعودية قبل ما يروح حفله في الساحل، لإن الدكاترة قالوا إنها لازم تعمل عملية علشان تعرف تمشي على رجليها بعد كده ومتمشيش تعرج، وفوجئت إنه بيقول هنحطها في الجبس وأنا مش متأكدة إن ده هيبقى شيء كويس ليها في المستقبل.

وواصلت رضوى: رد فعلي مكانش كويس معاه لقيته بيقول لي عاوز أطلقك ومتخيلتش الطلاق هيحدث وجاب المأذون وطلقني، وآه غلط إني عملت كده على السوشيال وإني اتكلمت على أبو بناتي والراجل اللي كنت متجوزاه لكن حطوا نفسكم مكاني، أمي عملت حادثة مع بنتي والعربية اترمت من كتر إن الحادثة كبيرة وبنتي اللي عندها 40 يوم ممنوعة من الحركة ومستنية أبوها يشوفها، ولكن نزل من السعودية على الساحل علشان حفلة، وأنا كنت بترجاه ويمكن تجاوزت في طريقة الكلام ولكني فوجئت إنه عاوز يطلق.

واضافت رضوى الشربيني: علياء يمكن تكون غلطت في طريقة التعبير عن غضبها على وسائل التواصل، ولكن ياريت نحط نفسنا مكانها، أنتي كنتي مستنية جوزك يكون داعم ليكي زي ما أنتي كنتي داعم ليه خاصة في مرض بنتك، يا ريت نرحمها كأم لإنها بجد طلع عينها وأتمنى يرجعوا لبعض.