أحمد موسى: الناس نسيت أحنا كنا فين وأصبحنا فين النهاردة.. وأنا بحلف بالله حتى الإرهاب اتنسى

قام الإعلامي أحمد موسي، بتسليط الضوء على الإنجازات والمشروعات القومية الكبرى التي حققها الرئيس السيسي، خلال العشر سنوات الماضية، مؤكداً على دور وسائل الإعلام فى إبراز وتسليط الضوء على تلك الإنجازات.

وقال أحمد موسي خلال تقديم برنامج «على مسئوليتي»، المذاع عبر شاشة قناة «صدى البلد»: الناس نسيت الانجازات التي تحققت والتي تجلت في مشروعات النقل والقطار السريع والموانئ، ومحطات الكهرباء وحياة كريمة، والصوب الزراعة واستصلاح الأراضي والإسكان الاجتماعي.

وتابع أحمد موسى: “أحنا نفكر بعض بالإنجازات حتى لا ننسى مش عيب، الناس نسيت والله، الناس عارفة كنا فين وأصبحنا فين النهاردة، الناس فاكرة الإسكان الاجتماعي لا، الناس فاكرة أهل الدويقة فين النهاردة!، نسيوا لكن دورنا نفكرهم ونتذكر مع بعض حصل إيه في بلدنا”.

واكمل أحمد موسى : “ملايين الناس كل يوم بتمر على الطرق، لكن أنا بتكلم عن المشروعات اللي حاسس بيها المستفيدين اللي ساكنين فيها بس زي الأسمرات وتل العقارب ومثلث ماسبرو؛ هما دول اللي حاسين باقي الشعب فين، ما كل ده مليارات اتدفعت”.

واضاف أحمد موسى: “النهاردة روضة السيدة وبشائر الخير محدش غيرهم حاسس، الناس نسيوا الافتتاحات والشغل؛ كل ده اتنسى محور المحمودية والفريق أبو ذكرى تنسى، الناس نسيت والله العظيم حتى الإرهاب وأنا بحلف بالله على الهواء حتى الإرهاب اتنسى”.